Ուզում եմ դառնալ օդաչու և բժիշկ: Oդաչու եմ ուզում դառնալ, որ կարողանամ շրջել ամբողջ աշխարհում ,իսկ բժիշկ, որ բուժեմ բոլոր մարդկանց , որպեսզի նրանք միշտ լինեն երջանիկ ու առողջ: Երազում եմ ունենալ կախարդական փայտիկ: Ցանկանում եմ իմ փայտիկի օգնությամբ կառուցել այնքան շատ տներ , որ աշխարհում ոչ մեկն առանց տուն չմնա; Կուզեի, որ ծնողներս երբեք չծերանային և միշտ լինեին իմ և քույրիկիս կողքին: Ուզում եմ, որ աշխարհում չար մարդիկ չլինեն: Ես ունեմ ինքնաթիռներ, որոնցով շատ եմ խաղում ու միշտ ինձ պատկերացնում եմ ինքնաթիռի մեջ: Երջանիկ եմ, որ շուտով իրականանալու է իմ երազանքը , նստելու եմ ինքնաթիռ և հայտնվելու եմ "Disneyland"-ում: Ասեմ, որ Գրիշա ձաձային խոստացել եմ գնալ Լոս Անջելես և նրա հետ հաղորդում վարել: Ես պետք է անպայման խոստումս կատարեմ , որովհետև հայրիկս ինձ ասել է, որ տղամարդը պետք է կատարի իր խոստումը : Ուզում եմ նաև լինել Եգիպտոսում և տեսնել եգիպտական բուրգերը : Հուսով եմ, որ ծնողներիս օգնությամբ կիրականան իմ բոլոր երազանքները:

Հայկ  Սերոբյան